الإعلان شغّال، الزيارات توصل، والتقارير تقول الحملة ناجحة. بس المبيعات؟ ما تحركت. هذي من أكثر الحالات اللي أشوفها، والسبب نادراً يكون المنصة. غالباً فيه «تسريب» في مكان ما بين الإعلان والدفع.
01أول شي: شوف وين يطيح العميل
قبل ما تغيّر أي شي، ارسم رحلة العميل بالأرقام. كل مرحلة يطيح فيها ناس، والمهم تعرف وين الطيحة الأكبر.
الأرقام فوق مثال للتوضيح. افتح تقاريرك وحط أرقامك أنت، والمرحلة اللي فيها أكبر طيحة هي أول شي تصلحه.
02السبعة أسباب الأكثر تكراراً
1. الإعلان يوعد بشي والصفحة تقول شي ثاني
العميل ضغط على عرض معيّن، ودخل لقى الصفحة الرئيسية أو صفحة عامة. يحس إنه ضاع، فيطلع.
2. الصفحة بطيئة على الجوال
أغلب زوارك من الجوال وعلى شبكة الجوال، مو على واي فاي المكتب. كل ثانية انتظار تطيّر ناس قبل ما يشوفون شي.
3. ما فيه سبب يخليه يشتري اليوم
بدون عرض واضح أو ميزة تميزك، يقول «بفكر» ويقفل. وغالباً ما يرجع.
4. خطوات الطلب كثيرة
تسجيل حساب إجباري، نموذج بعشر خانات، تأكيد بالجوال قبل ما يشوف السعر. كل خطوة زيادة تخسّرك ناس.
5. ما فيه شي يطمّنه
ما فيه آراء عملاء، ولا سياسة استرجاع واضحة، ولا رقم تواصل. العميل الجديد ما يعرفك، فيحتاج سبب يثق فيه.
6. الجمهور غلط
الإعلان يوصل لناس يحبون المحتوى بس ما يحتاجون المنتج. تجيك زيارات رخيصة كثير، وطلبات قليلة.
7. التتبع خربان
أحياناً المبيعات موجودة، بس ما تتسجل. فتحسب الحملة خسرانة وهي رابحة، أو العكس، والمنصة تتعلم على بيانات غلط.
03كيف تعرف أيهم مشكلتك؟
نسبة نقر عالية ومبيعات شبه صفر
الصفحة أو العرض أو السرعة
نسبة نقر ضعيفة من الأساس
الإعلان نفسه أو الجمهور
ناس يضيفون للسلة وما يدفعون
خطوات الدفع أو تكاليف مفاجئة (الشحن مثلاً)
المبيعات في المتجر أكثر من اللي في المنصة
التتبع
04الخلاصة
الزيارات بدون مبيعات مو مشكلة إعلانات بس، هي إشارة إن فيه تسريب في الرحلة. حدد وين يطيح العميل، وصلّح أكبر طيحة أول. ولو تبي أراجع رحلة عميلك معك خطوة بخطوة، احجز موعد تعارف مجاني.
أساعد الشركات على النمو من خلال استراتيجيات تسويقية مبنية على نتائج.